პროგრამა გათვალისწინებულია სასიმაღლო სამუშაოების პრაქტიკოსი სპეციალისტებისთვის.
სამონტაჟო, სადემონტაჟო  და სარემონტო სამუშაოების წარმოება „ინდუსტრიული ალპინიზმის“ მეთოდით, გულისხმობს სერვისის მიწოდებას, თოკებით და სპეციალური აღჭურვილობით.  

​

პროგრამა შექმნილია სამთო გიდების ასოციაციების საერთაშორისო ფედერაციის (IFMGA) მიერ შედგენილი პროგრამის მიხედვით და საერთაშორისო პარტნიორების უშუალო ჩართულობით.

​

კურსზე ისწავლება: პირველადი გადაუდებელი დახმარების საბაზისო უნარები; კომპლექსური მანევრების შესრულება თოკზე; კომპლექსური სამაშველო ოპერაციის ჩატარება; ვარდნის სისტემის მონტაჟი და „სარეზერვო“ სისტემის ინსტალაცია. 

სწავლება ხორციელდება სპეციალურად მოწყობილ და შესაფერისი ინვენტარით აღჭურვილ დარბაზში, პრაქტიკული გაკვეთილების და დავალებების სახით პედაგოგის დაკვირვებით და ხელმძღვანელობით. პროგრამით გათვალისწინებული თეორიული ნაწილის სწავლება შეიძლება განხორციელდეს ონლაინ, ელექტრონული სწავლების ფორმით. 

პროგრამის თემატურ საკითხებს გაუძღვებიან შესაბამისი პროფილის პედაგოგები და ექსპერტები.

პროგრამის ხანგრძლივობა შეადგენს 1 კვირას, 40 საათის მოცულობით.  

​

კურსდამთვრებულებს შეეძლებათ დასაქმდნენ სამშენებლო-სარემონტო კომპანიებში ან იყვნენ თვითდასაქმებულნი და შეასრულონ შემდეგი სახის სასიმაღლო სამუშაოები: ფასადების განათების მონტაჟი, სახანძრო სავენტილაციო არხების (მილების) მონტაჟი, ფასადის დათბუნება, ფასადის ღებვა, წყალსაწრეტი მილების, ბუხრის მილების, გამწოვი მილების მონტაჟი, ფასადის წმენდა, სარეკლამო ბანერების კონსტრუქციების მოწყობა და სხვადასახვა სახის სამშენებლო-სამონტაჟო სამუშაოები. 

2 დონის სპეციალისტს ეძლევა უფლება დამოუკიდებლად აწარმოოს 3 დონის სპეციალისტის მიერ დაგეგმილი სასიმაღლო სამუშაოები.